Paroles
1. Eilavau l'y a 'n jardinier
Qu'à 'no tant belo fihlo.
Jouino, lisqueto
Belo coumo lou jour,
N'en sount tres capitanis
Tous tres li fan la cour.
2. Se lou plus joine des tres
Per un souar la vai veire,
La pren, l'empouerto
Dessus soun chivau gris,
A Paris l'a menado
Dedins un beou lougis.
3. Quand eles soun arribats
L'houstesso li demando :
Diguetz, la belo,
Diguetz senso mentir,
Se siatz eici par forço
Ou per vouestre plesir ?
4. Siou pa' eici per moun plesir,
N'en siou eici par forço,
Li dis, l'houstresso,
Me voudriou retournar,
Per counsoular moun pero
Que me deou tant cercar.
5. La belo vous plouretz pas
Receiretz vouestre pero,
Vaquit d'un' aiguo
Per vous fair' avanir,
Paretz tres jours la mouerto
Senso par revenir.
6. Lou souar venoun per soupar
Les tres beous capitanis :
Mangetz, la belo,
Mangetz vouestr' appetit,
Eme tres capitanis
Esto nuech fau dourmir.
7. Se lou plus jouine de tres
S'en vai trouvar l'houstesso :
Diguetz, l'houstesso,
Diguetz senso mentir,
Se va mignoun' es mouerto
Ou se fai que dourmir ?
8. Alors li a respoundu
L'houstesso tout' en larmos :
Foussiatz-lo v'autres
Tous tres ensevelits,
Coumo la bel' es mouerto
Eici dins moun lougis.
9. Se lou plus jouine des tres
N'en tiro sa bourseto :
Tenetz, l'houstesso,
Prenetz aquest' argent,
Se la mignoun' es mouerto
Faretz l'entarrament.
10. Ounte la fau entarrar ?
Au jardin de soun pero,
Souto d'un aubre
Cubert de jaussemins,
Afin que sa bel' amo
Gagne lou Paradis.
11. Au bout de tres jours apres
Soun pero se proumeno :
Durbetz ma toumbo
Moun pero, se vous pla,
Ai fach tres jours la mouerto
Par moun hounour gardar.
