La partition « Epigrammes de Clément Marot »

 

Paroles

I
Anne par jeu me jecta de la neige
Que je cuidoys froide certainement :
Mais c'estoit feu, l'expérience en ayje
Car embrasé je fuz soubdainement
Puisque le feu loge secretement
Dedans la neige, où trouveray-je place
Pour n'ardre point ?
Anne, ta seule grâce
Estaindre peut le feu que je sens bien
Non point par eau, par neige, ne par glace
Mais par sentir ung feu pareil au mien.

II
Lorsque je voy en ordre la brunette
Jeune en bon point, de la ligne des Dieux,
Et que sa voix, ses doits et l'espinette
Meinent ung bruyet doulx et mélodieux
J'ay du plaisir, et d'oreilles et d'yeulx.
Plus que les sainetz en leur gloire immortelle
Et autant qu'eulx je devien glorieux
Dès que je pense estre ung peu ayme d'elle.

Vidéo