Paroles
1. Daou-ha-daou e kerzhomp
Da zorn en va hini :
Graet pevar baz ganeomp
Sav da droad 'ta, Mari !
2. Taolomp evezh bremañ
War hor c'hiz 'n un taol krenn
Greomp pep a dro amañ
Hag un tamm stouadenn
3. Astennit ar vandenn
Lammit 'ta en dachenn :
Re a gil, a lârer,
A zo tud gwall dister
4. Glas eo lagad Jani
A c'hoarzh da bep hini
Melen blev Janivon
Ur plac'hig a-feson
5. Sav da droad 'ta, Pipi,
Ur priz mat a dapi
Ne vo ket difennet
Pokañ d'ar plac'h Janed
6. Ur pok el leur nevez
Ur pok a garantez
Prenet vo div walenn
Ha friko 'vo souden
