Paroles
1. Wha'll buy caller herrin'?
They're bonnie fish and halesome farin';
Buy my caller herrin',
New drawn frae the Forth.
When ye were sleeping on your pillows,
Dreamt ye aught of your puir fellows,
Darkling as they face the billows,
A' to fill our woven willows.
Buy my caller herrin',
They're bonnie fish and halesome farin',
Buy my caller herrin',
New drawn frae the Forth.
Wha'll buy my caller herrin',
They're no bought here without brave darin',
Buy my caller herrin',
Ye little ken their worth.
Wha'll buy my caller herrin'?
O ye may ca' them vulgar farin',
Wives and mithers maist despairin'
Ca' them lives o' men.
Caller herrin', caller herrin'!
2. An' when the creel o' herrin' passes,
Ladies clad in silks and laces,
Gather in their braw pelisses,
Toss their heads and screw their faces.
Buy my caller herrin'...
3. Noo neebor wives, come, tent my tellin'
When the bonnie fish ye're sellin',
At a word be aye your dealin',
Truth will stand when a' things failin'.
Buy my caller herrin'...
4. Wha'll buy my caller herrin'?
They're no bought here without brave darin';
Buy my caller herrin',
Ye little ken their worth.
Wha'll buy my caller herrin'?
Oh! ye may ca' them vulgar farin',
Wives and mithers maist despairin'
Ca' them lives o'men.
Caller herrin'! caller herrin'!
